رواية سر زوجتي الفصل الخامس 5 بقلم مصطفي الصعيدي
سبت الدكتور عزت وانا في حالة ذهول وباسال نفسي لو سناء ميتة اومال مين اللي اتجوزتها دي روحت للفيلا ووقفت قدامها محتار ادخل واحاول اكتشف الحقيقة ولا امشي وانفد بجلدي وكان قراري اني اكمل واعرف ايه الحقيقة؟
دخلت لسناء لقيتها في طقم جميل ومحضرة العشا علي ضوء الشموع مع موسيقي شاعرية قررت اانسي كل حاجة واعيش الحلم الحلم اللي بيتمناه اي شاب نفسه يحب ويتحب ونسيت كل حاجة مع سناء لحد ما نمت وما حستش بنفسي الا وهي بتصحيني عند الفجر قمت وبصتلها وجوايا الف سؤال كانوا بيضيعوا مع نظراتها وحبها وكانها حست باللي جوايا لقيتها مسكت وشي بحنان وقالتلي ما تزعلش مني بس صدقني ده لمصلحتنا لو عايز جوازنا يستمر وانا ماشي قولتلها ايه رايك نتغدي النهاردة عند ماما ادورت ليا بارتباك وقالت لا وبعد كدة هديت وقالت انا مش هينفع اخرج بالنهار علشان اهلي بييجوا يطمنوا عليا
انا اتاكدت ان وراها سر وان كلام د عزت مش وهم وقررت اجي الفيلا بالنهار واعرف ايه السر اللي انا ما اعرفهوش
عدي وقت الشغل ممل وعند الظهر استاذنت ومشيت بدري وروحت ودخلت شارع الرعب والغموض بتاعنا وانا ماشي فيه لقيت عربية بوليس واسعاف قدام احدي الفلل تخمنوا فيلا مين؟ صح فيلا د عزت وشفت بتوع الاسعاف طالعين بجثته محروقة ومشوهة سالت الناس اللي واقفة عن الحكاية قالوا النار ولعت في الفيلا من ساعة والمطافي عبال ما جت كان كل شي اتدمر وقبل ما يدخلوا بجثته عربية الاسعاف لمحت ورقة صغيرة وقعت من ايد جثته جريت اخدتها وبافتحها لقيت مكتوب فيها
سناء هتموتني علشان عرفتك سرها اهرب يا عمر
وبصيت لاخر الشارع وملا الكره قلبي ناحية الشر اللي بقا حوالين حياتي
واتقدمت ناحية الفيلا اواجه سناء
